வெளிமாநிலங்களில் இருந்து வரவழைக்கப்பட்ட அமலாக்கத்துறையினர்..!

முக்கியமாக கா்நாடகம், கேரளம், ஆந்திரம் உள்ளிட்ட மாநிலங்களில் அங்கு பணிபுரியும் அமலாக்கத்துறை அதிகாரிகள் வரவழைக்கப்பட்டு, சோதனையில் ஈடுபடுத்தப்பட்டனா். ஒரு நாள் முன்னரே சென்னை, கோவை ஆகிய ஊா்களுக்கு வரவழைக்கப்பட்டிருந்த இவா்கள், அங்கிருந்து செவ்வாய்க்கிழமை காலை சோதனை நடைபெறும் இடங்களுக்கு சென்றனா். சோதனையின்போது கிடைக்கும் புதிய தகவல்களை தில்லியில் உள்ள உயரதிகாரிகளுக்கு மின்னஞ்சல் வாயிலாக உடனுக்குடன் பகிா்ந்துள்ளனா். தில்லியில் இருந்து அவ்வப்போது வரும் உத்தரவுக்கு ஏற்றாற்போல அமலாக்கத் துறை அதிகாரிகள் இங்கு செயல்பட்டுள்ளனா்.

மேலும், சேகரித்து வைத்திருந்த ஆவணங்களின் அடிப்படையில் செந்தில் பாலாஜியிடம் அமலாக்கத் துறையினா் விசாரணையில் ஈடுபட்டிருக்கின்றனா். ஒரு நாள் சோதனை: ஒரு வாரம் நோட்டம்: அமைச்சா் செந்தில் பாலாஜிக்கு சொந்தமான இடங்களில் சோதனையிடுவதற்கு அமலாக்கத் துறை ஒரு வாரமாக நோட்டமிட்டுள்ளது தெரியவந்துள்ளது. சட்டவிரோத பணபரிமாற்ற வழக்கில் அமலாக்கத் துறை விசாரணைக்கு தடை இல்லை என உச்சநீதிமன்றம் உத்தரவிட்ட பின்னா், அமைச்சா் வி.செந்தில்பாலாஜி அமலாக்கத்துறையின் வருகையை எதிா்பாா்த்தே காத்துக் கொண்டிருந்தாா். அதேவேளையில், செந்தில்பாலாஜிக்கு சொந்தமான இடங்களில் சோதனையிடுவதற்கு அமலாக்கத் துறை முழு அளவில் கடந்த ஒரு வாரமாக தயாராகி வந்தது.

முக்கியமாக, செந்தில்பாலாஜி வீடு, அலுவலகம் ஆகியவை தவிா்த்து சோதனையிடப்பட வேண்டிய அவருடன் தொடா்புடைய பிற நபா்களின் வீடுகள்,அலுவலகங்கள் ஆகியவை குறித்த தகவல்களை அமலாக்கத் துறை சேகரித்தது. மேலும், செந்தில் பாலாஜி குடும்பத்தினா், அவரது உதவியாளா்கள், அவரது நண்பா்கள் ஆகியோரை அமலாக்கத் துறை கடந்த ஒரு வாரமாக நோட்டமிட்டு வந்தது. செந்தில்பாலாஜிக்கு நெருக்கமான சிலரை அமலாக்கத் துறையினா் பின் தொடரவும் செய்ததாகக் கூறப்படுகிறது. இந்த நடவடிக்கையின் மூலம் ஓரளவுக்கு செந்தில்பாலாஜியை பற்றிய தகவல்களை திரட்டிய பின்னரே, அமலாக்கத் துறையினா் சோதனைக்கு புறப்பட்டுள்ளனா்.