கோவை அருகே காட்டு யானை தாக்கி பறவைகள் ஆராய்ச்சி மைய மாணவர் பரிதாப பலி..

கோவை வனச்சரகம், துடியலூர் ஆனைகட்டி அருகே சலீம் அலி பறவைகள் ஆராய்ச்சி மையம் உள்ளது. இங்கு ஆராய்ச்சி மாணவராக இருக்கும் ராஜஸ்தான் மாநிலத்தைச் சேர்ந்த விஷால் ஸ்ரீமல்(வயது 23) என்பவரை நேற்று இரவு எதிர்பாராத விதமாக காட்டு யானை தாக்கியது. இதில அவரது மார்பு எலும்பில் முறிவும், வலது கால் பகுதியில் ரத்த கசிவும் ஏற்பட்டு கோவை தனியார் மருத்துவமனையில் அவசர சிகிச்சை பிரிவில் சிகிச்சை பெற்று வந்தார். அங்கு சிகிச்சை அளித்தும் பலனளிக்காமல் நேற்று அதிகாலை 04:30 மணிக்கு இறந்தார்.மாணவரின் உடல் பிரேத பரிசோதனைக்காக கோவை அரசு மருத்துவமனைக்கு அனுப்பி வைக்கப்பட்டது. இதுகுறித்து தடாகம் போலீசார் வழக்கு பதிவு செய்து விசாரணை நடத்தி வருகிறார்கள்..