நின்ற லாரியில் பைக் மோதி வாலிபர் பரிதாப பலி..

பொள்ளாச்சி பக்கம் உள்ள கிட்ட சூரம் பாளையத்தைச் சேர்ந்தவர் தங்கவேல். இவரது மகன் சுபாஷ் சந்திரன் (வயது 30) இவர் நேற்று பல்லடம்- பொள்ளாச்சி ரோட்டில் பைக்கில் சென்று கொண்டிருந்தார்.தொப்பம்பட்டி, சின்ன வாய்க்கால் மேடு பகுதியில் எந்தவித சிக்னலும் போடாமல் ஒரு லாரி நிறுத்தப்பட்டிருந்தது. அந்த லாரியின் பின்புறம் சுபாஷ் சந்திரன் ஓட்டிச் சென்ற பைக் மோதியது. இதில் படுகாயம் அடைந்தார் .சிகிச்சைக்காக பொள்ளாச்சி அரசு மருத்துவமனைக்கு எடுத்துச் செல்லும் வழியில் சுபாஷ் சந்திரன் இறந்தார் .இது குறித்து நெகமம் போலீசில் புகார் செய்யப்பட்டது. போலீசார் பீகார் மாநிலத்தைச் சேர்ந்த லாரி டிரைவர் ஜெய் பிரகாஷ் சிங் மீது வழக்கு பதிவு செய்து விசாரணை நடத்தி வருகிறார்கள்..