நான்கு நிமிடத்தில் இருசக்கர வாகனத்தை திருடும் செல்லும் கொள்ளையன் – இருசக்கர வாகன கொள்ளையனுக்கு ராமநாதபுரம் காவல் துறையினர் வலை..
கோவை ராமநாதபுரம் அருகே மணிகண்டன் என்பவர் தனது இருசக்கர வாகனத்தை நிறுத்தி வைத்து விட்டு கடைக்குள் சென்று இருக்கின்றார். கடைக்குள் சென்று நான்கு நிமிடத்தில், வெளியே வந்தார். அதற்குள்ளாக அந்த வழியாக வந்த கொள்ளையன் நாசுக்காக இருசக்கர வாகனத்தை திருடி சென்று விட்டான். இருசக்கர வாகனத் திருடி செல்லும் கொள்ளையனின் வீடியோ அப்பகுதியில் உள்ள சி.சி.டி.வி யில் பதிவாகி இருக்கின்றன.
இதுகுறித்து மணிகண்டன் தந்த புகாரியின் அடிப்படையில் போலீசார் வழக்கு பதிவு செய்து பைக் கொள்ளையனைத் தேடி வருகின்றனர்.
தொடர்ந்து கோவை மாநகரில் பல்வேறு இடங்களில் நடைபெற்ற வரும் இருசக்கர வாகனம் திருட்டால் வாகன ஓட்டிகள் அதிர்ச்சி அடைந்து உள்ளனர். மேலும் காவல்துறையினர் வாகன சோதனைகளை தீவிரப்படுத்தி, ரோந்து சென்றால் மட்டுமே இது போன்று சம்பவங்கள் நடைபெறாமல் இருக்கும் என்றும். மேலும் இவர்கள் மீது கடும் நடவடிக்கை எடுத்தால் மட்டுமே திருட்டு சம்பவங்கள் குறையும் என்றும் பொதுமக்களின் கருத்தாக உள்ளது.