கோவை இன்ஜினியர் வீட்டில் 3 லேப்டாப், செல்போன் துணிகர திருட்டு..!

கோவை: சேலம் ,குகை பகுதியை சேர்ந்தவர் நாகராஜன். இவர்  மகன் கவுதம் (வயது 24) கோவையில் டிசைன் இன்ஜினியராக வேலை பார்த்து வருகிறார். பீளமேடு எல்லை தோட்டம் பகுதியில் தன்னுடன் வேலை பார்ப்பவர்களுடன் வீடு எடுத்து தங்கி உள்ளார்.நேற்று வீட்டில் ஆள் இல்லாத நேரம் யாரோ உள்ளே புகுந்து அங்கிருந்த 3 லேப்டாப், ஒரு செல்போன் ஆகியவற்றை திருடி சென்று விட்டனர். இது குறித்து இன்ஜினியர் கவதம் பீளமேடு போலீசில் புகார் செய்துள்ளார். போலீசார் வழக்கு பதிவு செய்து விசாரணை நடத்தி வருகிறார்கள்.