கல்லூரி மாணவர்கள் தங்கியிருந்த அறையில் புகுந்து லேப்டாப் திருட்டு..!

கோவை :நீலகிரி மாவட்டம் கோத்தகிரி பக்கம் உள்ள கெர்ப்பட்டா கிராமத்தைச் சேர்ந்தவர் கிருஷ்ணமூர்த்தி .இவரது மகன் வாமிஷ் ( வயது 20) இவர் குனியமுத்தூர் பகுதியில் உள்ள ஒரு தனியார் பொறியியல் கல்லூரியில் பி.இ. 4-ம் ஆண்டு படித்து வருகிறார். கோவை புதூர், சரஸ்வதி நகரில் நண்பர்களுடன் அறை எடுத்து தங்கி உள்ளார் .14ஆம் தேதி இவர் தங்கியிருந்த அறையின் கதவை பூட்டாமல் டிபன் சாப்பிட சென்று விட்டார். திரும்பி வந்து பார்த்தபோது அங்கிருந்த 2 லேப்டாப்களை காணவில்லை .யாரோ திருடி சென்று விட்டனர். இதன் மதிப்பு ரூ..10 ஆயிரம் இருக்கும் இதுகுறித்து குனியமுத்தூர் போலீசில் புகார் செய்துள்ளார் .போலீசார் வழக்கு பதிவு செய்து விசாரணை நடத்தி வருகிறார்கள்.