சர்வீஸ் சென்டரில் தீ விபத்து. 7 இருசக்கர வாகனங்கள் எரிந்து நாசம்.

கோவை அருகே உள்ள ஆர்.ஜி. புதூர் மாரியம்மன் கோவில் வீதியைச் சேர்ந்தவர் கோபால் ( வயது 41) இவர் சின்னியம்பாளையம் பகுதியில் இருசக்கர வாகன சர்வீஸ் சென்டர் நடத்தி வருகிறார்.நேற்று முன்தினம் இரவில்சர்வீஸ் சென்டரை பூட்டிவிட்டு வீட்டுக்கு சென்று விட்டார். நள்ளிரவில் திடீர் தீ விபத்து ஏற்பட்டது. இதுகுறித்து தீயணைப்பு படையினருக்கு தகவல் கொடுக்கப்பட்டது அவர்கள் விரைந்து சென்று தீயை அணைத்தனர். இந்த தீ விபத்தில் 7 இருசக்கர வாகனங்கள் எரிந்து நாசமானது..மின் கசிவு காரணமாக இந்த தீவிபத்து ஏற்பட்டதாக கூறப்படுகிறது. இது குறித்து கோபால் பீளமேடு போலீசில் புகார் செய்தார். போலீசார் வழக்கு பதிவு செய்து விசாரணை நடத்தி வருகிறார்கள்.