வாலிபரை தாக்கி பணம்கொள்ளை. 4 பேர் கைது

கோவை பீளமேடு ,காந்திமா நகர் ஹட்கோ காலனியை சேர்ந்தவர் சந்தோஷ் லசியன் (வயது 28) இவர் தண்ணீர் பந்தல் ரோட்டில் உள்ள உலர் சலவை கடையில் வேலை பார்த்து வருகிறார். இவர் நேற்று காந்திமா நகர் ரயில்வே பாலத்துக்கு அடியில் நடந்து சென்றார். அப்போது அங்கு நின்று கொண்டிருந்த 4 பேர் இவரை வழிமறித்து தாக்கினார்கள். பின்னர் அவரிடமிருந்த 8 ஆயிரம்ரூபாயை கொள்ளை அடித்து விட்டு தப்பிசென்று விட்டனர். இது குறித்து சந்தோஷ் பீளமேடு போலீசில் புகார் செய்தார். போலீசார் வழக்கு பதிவு செய்து சுக்கிரவார்பேட்டை தியாகி குமரன் மீது சேர்ந்த கிஷோர் குமார் (வயது 22) பீளமேடு எல்லை தோட்டம் ரோடு விஜயராமன் (வயது 20) சேலம் மாவட்டம் மேட்டூர் நவநீதன் ( வயது 21) சிவகங்கை மாவட்டம் காரைக்குடி எபநேசர் ( வயது 17) ஆகியோரை கைது செய்தனர் பணம்மீட்கப்பட்டது.