ஒட்டல் அதிபரை தாக்கிய 3பேர் கைது.

கோவை அக்டோபர் 15 ராமநாதபுரம் மாவட்டம், திருவாடனையை சேர்ந்தவர் எட்வின் பிரான்சிஸ் (வயது 29) இவர் பீளமேடு காளப்பட்டி ரோட்டில் உள்ள நேரு நகரில் “மிலன் தோசா ஷாப்”என்ற பெயரில்ஒட்டல் நடத்தி வருகிறார்.நேற்று காலையில் இவரது ஓட்டலுக்கு அதே பகுதியை சேர்ந்த 3 பேர் டிபன் சாப்பிட சென்றனர். சாப்பிட்டுவிட்டு பணம் கொடுக்கவில்லை. எட்வின் பிரான்சிஸ் பணம் கேட்டார். இதனால் ஆத்திரம் அடைந்த அந்த 3 பேரும் அவரை சரமாரியாக தாக்கினார்கள்.இதனால் ஓட்டல் அதிபர் எட்வின் பிரான்சிஸ் பயந்து அங்குள்ள பாத்ரூமில் சென்று கதவை பூட்டி கொண்டார் .பின்னர் அந்த 3 பேரும் அங்கிருந்து தப்பி ஓடிவிட்டனர். இது குறித்து பீளமேடு போலீ சில் புகார் செய்யப்பட்டது. போலீசார் வழக்கு பதிவு செய்து சேரன் மாநகர சேர்ந்த ஜெயக்குமார் (வயது 21 )நேரு நகர் ( மேற்கு) முருகேசன் ( வயது 21) பாலாஜி நகர் சஞ்சய் ( வயது 18 )ஆகியோரை கைது செய்தனர். மேலும்விசாரணை நடந்து வருகிறது.