பா.ஜ.க இளைஞர் அணிசெயலாளருக்கு அரிவாள் வெட்டு. 3 பேர் கைது.

கோவை சீரநாயக்கன்பாளையம் ,ஆர் .ஜி . தெருவை சேர்ந்தவர் சதீஷ் ( வயது 28) இவர் ஆர்.. எஸ். புரத்தில் உள்ள தனியார் நிறுவனத்தில் பணம் வசூலிக்கும் வேலை செய்து வருகிறார். ஆர். எஸ். புரம். மண்டல பாஜக இளைஞரணி செயலாளராகவும் உள்ளார். சதீஷ் நேற்று முன் தினம் இரவு 10 மணி அளவில் தான் வேலை செய்யும் நிதி நிறுவனம் அருகே நின்று கொண்டு இருந்தார். அப்போது அங்கு பயங்கர ஆயுதங்களுடன்வந்த ஒரு கும்பல் அவரை சுற்றி வளைத்தது. இதனால் அதிர்ச்சியடைந்த சதீஷ் அங்கிருந்து தப்பி ஓட முயன்றார். ஆனால் அந்த கும்பல் அவரை தாங்கள் வைத்திருந்த கத்தி அரிவாளால் சரமரியாக வெட்டியது. இதில் அவருக்கு பலத்த காயம் ஏற்பட்டது.. சத்தம் கேட்டு அந்தப் பகுதியில் உள்ள பொது மக்கள் ஓடிவந்தனர். அதற்குள் அந்த கும்பல் அங்கிருந்து தப்பி ஓடிவிட்டது. படுகாயம் அடைந்த சதீஷ் கோவை அரசு மருத்துவமனையில் சிகிச்சைக்காக சேர்க்கப்பட்டார். இது குறித்து ஆர் எஸ். புரம் போலீசில் புகார் செய்யப்பட்டது. உதவி கமிஷனர் ரவிக்குமார் மேற்பார்வையில் இன்ஸ்பெக்டர் காசி பாண்டியன் வழக்கு பதிவு செய்துபிரபு அவரது தம்பி சந்தோஷ், தந்தை வேலுசாமி பிரபுவின் நண்பர்கள் கண்ணன் என்ற சூரிய பிரபு, சரவணன் ,கோகுல் உட்பட 8பேர் மீது வழக்கு பதிவு செய்தனர் .இதில் வேலுசாமி, சரவணன், கோகுல் ஆகியோர் நேற்று கைது செய்யப்பட்டனர் மற்றும் 5 பேரை தேடி வருகிறார்கள்.அரிவாள்,கத்தி போன்ற ஆயுதங்கள் பறிமுதல் செய்யப்பட்டது. வேலுசாமி மீதுஏற்கனவே பல்வேறு வழக்குகள் உள்ளன. கடந்த ஆண்டு விநாயகர் சதுரத்தியின் போது ஏற்பட்ட முன் விரோதம் காரணமாக இந்த சம்பவம் நடந்துள்ளது விசாரணையில் தெரிய வந்தது.