பள்ளிக்கூடம் அருகே போதை மாத்திரை கும்பல் கைது.

கோவை குனியமுத்தூர் போலீஸ் இன்ஸ்பெக்டர் பாஸ்கரன் நேற்று இரவு குறிச்சிஅரசு மேல்நிலைப் பள்ளியின் பின்புறம் உள்ள குளக்கரை பகுதியில் ரோந்து சுற்றி வந்தார். அப்போது அங்கு சந்தேகப்படும் படி நின்று கொண்டிருந்த ஒரு கும்பலை பிடித்து சோதனை செய்தார். அவர்களிடம் 1,100 கிராம் கஞ்சாவும்,133 போதை மாத்திரைகளும் இருந்தது கண்டுபிடிக்கப்பட்டது. இவைகள் பறிமுதல் செய்யப்பட்டன இது தொடர்பாக வெள்ளலூர் ஹவுசிங் யூனிட்டை சேர்ந்த கேசவன் (வயது 25 )குனியமுத்தூர் ராபித் (வயது 20) அப்துல் ரஹீம் (வயது 27)சுந்தராபுரம் சனுப் ( வயது 27 )ஆகியோர் கைது செய்யப்பட்டனர். குனியமுத்தூர் மனோஜ் குமார் என்பவர் தப்பி ஓடி விட்டார். இவரை போலீசார் தேடி வருகிறார்கள்.