கட்டிடத்திலிருந்து தவறி விழுந்து தொழிலாளி சாவு.

கோவை வடவள்ளி சிறுவாணி ரோடு குளோபல் கார்டன் பகுதியைச் சேர்ந்தவர் சதீஷ். இவர் அந்த பகுதியில் சொந்தமாக வீடு கட்டி வருகிறார். நேற்று இவரது கட்டிடத்தில் வேலை நடந்து கொண்டிருந்தது. அதில் திருச்சி மணப்பாறை பக்கம் உள்ள மணியன் குறிச்சியை சேர்ந்த பழனிசாமி ( 58 ) என்பவர் கட்டிட வேலை செய்து கொண்டிருந்தார். அவர் திடீரென்று உயரத்தில் இருந்து கீழே விழுந்தார். இதில் அவருக்கு பலத்த காயம் ஏற்பட்டது. அவரை சிகிச்சைக்காக அங்குள்ள தனியார் மருத்துவமனைக்கு எடுத்துச் சென்றனர். அங்கு சிகிச்சை அளித்தும் பலன் அளிக்காமல் இறந்தார். இதுகுறித்து வடவள்ளி போலீசில் புகார் செய்யப்பட்டது இன்ஸ்பெக்டர் பிராங்கிளின் சம்பவ இடத்துக்கு சென்றுவிசாரணை நடத்தினார். இது தொடர்பாக மேஸ்திரி தேவராஜ், கட்டிட உரிமையாளர் சதீஷ் ஆகியோர் மீது வழக்கு பதிவு செய்யப்பட்டுள்ளது. மேலும் விசாரணை நடந்து வருகிறது.