ஸ்கூட்டரில் இருந்து விழுந்தவர் சாவு.

கோவை அருகே உள்ள மலுமிச்சம்பட்டி, விநாயகா கார்டனை சேர்ந்தவர் அருள் அகஸ்டின் (வயது 48) இவர் நேற்று பொள்ளாச்சி மெயின் ரோட்டில் சிட்கோ பாலம் அருகே ஸ்கூட்டரில் சென்று கொண்டிருந்தார். அப்போது திடீரென்று நிலைதடுமாறி கீழே விழுந்தார். இதில் இவரது தலையில் பலத்த காயம் ஏற்பட்டது. சிகிச்சைக்காக அங்குள்ள தனியார் மருத்துவமனைக்கு எடுத்துச் சென்றனர். பின்னர் மேல் சிகிச்சைக்காக கோவை அரசு மருத்துவமனைக்கு கொண்டு செல்லும் வழியில் இறந்தார். இது குறித்து கோவை மேற்கு பகுதி போக்குவரத்து புலனாய்வு போலீசில் புகார் செய்யப்பட்டது. இன்ஸ்பெக்டர் தங்கமணி வழக்கு பதிவு செய்து விசாரணை நடத்தி வருகிறார்.