ஓடும் பஸ்சில் பயணியிடம் பணம் திருடிய 2 பேர் கைது.

கோவை: தேனி மாவட்டத்தைசேர்ந்தவர் கணேஷ்குமார் ( வயது 49) கூலித்தொழிலாளி. இவர் நேற்று காந்திபுரத்தில் இருந்து உக்கடத்துக்கு டவுன் பஸ்சில் சென்று கொண்டிருந்தார். அப்போது இவரது சட்டை பையில் இருந்த 500 ரூபாயை 2 பேர் திருடிவிட்டு தப்பி ஓட முயன்றனர். அவர்களை பொதுமக்கள் உதவியுடன் கணேஷ்குமார்மடக்கிப்பிடித்து உக்கடம் போலீசில் ஒப்படைத்தார். போலீசார் அவர்களை கைது செய்தனர். விசாரணையில் அவர்கள் புதுக்கோட்டை மாவட்டம் ராஜகோபாலபுரம் பிரதீப் ( வயது 26) தருமபுரி மாவட்டம் அரூர்யாசின் ஜிலான் ( வயது 27) என்பது தெரியவந்தது. இருவரும் கைது செய்யப்பட்டனர். இவர்களிடமிருந்து 500 ரூபாய் பறிமுதல் செய்யப்பட்டது. மேலும் விசாரணை நடந்து வருகிறது.