வியாபாரி வீட்டில் பூட்டை உடைத்து தங்க நகைகள் திருட்டு.

கோவை குனியமுத்தூர் அம்மன் கோவில் வீதியில் உள்ள மகாராஜா காலனியை சேர்ந்தவர் அபுதாஹிர் (வயது 37) இவர் சாய்பாபா காலனி அண்ணா மார்க்கெட்டில் காய்கறி வியாபாரம் செய்து வருகிறார். இவரது அண்ணன் ஹஜ் யாத்திரை புறப்பட்டார். இதற்காக குடும்பத்துடன் அண்ணன் வீட்டுக்கு சென்றிருந்தார். அப்போது யாரோ இவரது வீட்டின் பூட்டை உடைத்து உள்ளே புகுந்து அங்கிருந்த 2 பவுன் தங்க நகைகள் வெள்ளி நகைகள் பணம் ரூ. 54 ஆயிரம் ஆகியவற்றை யாரோ திருடி சென்று விட்டனர். இதுகுறித்து அபுதாகிர் குனியமுத்தூர் போலீசில் புகார் செய்துள்ளார். இன்ஸ்பெக்டர் மணிவண்ணன் வழக்கு பதிவு செய்து விசாரணை நடத்தி வருகிறார்.