பைக் மீது கார் மோதி வட மாநில வாலிபர் சாவு .

கோவை; பீகார் மாநிலத்தைச் சேர்ந்தவர் சந்தோஷ் சிங். இவரது மகன் மன்மோகன் குமார் சிங் (வயது 19) கருமத்தம்பட்டி அருகே உள்ள காடுவெட்டி பாளையத்தில் தனியார் மில் குடியிருப்பில் தங்கி இருந்து கூலி வேலை செய்து வருகிறார்.நேற்று அன்னூர் – கருமத்தம்பட்டி ரோட்டில் பைக்கில் சென்று கொண்டிருந்தார். கிட்டாம்பாளையம் அருகே சென்ற போது அந்த வழியாக வேகமாக வந்தஒருகார் அவரது பைக் மீது மோதியது. இதில் தலையில் பலத்த காயமடைந்த மன்மோகன் குமார் சிங் அதே இடத்தில் இறந்தார் .இது குறித்து அவரது தந்தை சந்தோஷ்சிங் கருமத்தம்பட்டி போலீசில் புகார் செய்தார். இன்ஸ்பெக்டர் சண்முகவேலு சம்பவ இடத்துக்கு நேரில் சென்று விசாரணை நடத்தினார்.இது தொடர்பாக கார் ஓட்டி வந்த கண்ணன் என்பவர் மீது வழக்கு பதிவு செய்யப்பட்டுள்ளது.