வாலிபரிடம் கத்தியைக் காட்டி மிரட்டி பணம் பறித்த எம்.பி.ஏ. பட்டதாரி கைது.

கோவை பீளமேடு பயோனியர் மில்ரோட்டை சேர்ந்தவர் ஞானவேல். இவரது மகன் ராஜா (வயது 22) பிட்டராகவேலை பார்த்து வருகிறார். இவர் நேற்று கொடிசியா ரோட்டில் நடந்து சென்றார். அப்போது அங்கு வந்த ஒருவர் இவரிடம் கத்தியை காட்டி மிரட்டி 500 ரூபாய் பறித்துவிட்டு தப்பி ஓடிவிட்டார் .இது குறித்து ராஜா பீளமேடு போலீசில் புகார் செய்தார்.சப் இன்ஸ்பெக்டர் நாகராஜன் வழக்கு பதிவு செய்துசத்தியமங்கலம் பக்கம் உள்ள ஆனைகட்டி பனையம்பள்ளி கிராமத்தை சேர்ந்த தர்மராஜ் மகன் ராஜ்குமார் ( வயது 24) என்பவரை கைது செய்தார். இவர் எம்.பி.ஏ .படித்துள்ளார். அவரிடம் விசாரணை நடந்து வருகிறது.