கஞ்சா -போதை மருந்து கடத்தல். 5 பேர் கைது.

கோவை மதுவிலக்கு அமல் பிரிவு இன்ஸ்பெக்டர் செந்தில்குமார், சப் இன்ஸ்பெக்டர் சரவணன் ஆகியோர்நேற்று மாலை துடியலூர் பன்னிமடை பகுதியில் ரோந்து சுற்றி வந்தனர். அப்போது அங்கு சந்தேகப்படும்படி நின்று கொண்டிருந்த 4 பேரை பிடித்து சோதனை செய்தனர். அவர்களிடம் 1250 கிராம் கஞ்சா, 102 கிராம் உயர் ரக போதை பொருள் இருந்தது கண்டுபிடிக்கப்பட்டது. இவைகள் பறிமுதல் செய்யப்பட்டது .இது தொடர்பாக 4 பேரும் கைது செய்யப்பட்டுள்ளனர்.விசாரணையில் அவர்கள் நாமக்கல் மாவட்டம் , குமாரபாளையம் காந்தி நகரை சேர்ந்த கௌதம் (வயது 26)கோவைப்புதூர் அபிமன்யூ (வயது 27 தெற்கு உக்கடம்,ரோஸ் கார்டன் பைசில் ( வயது 22) கரும்புக்கடை முகமத் ஹர்ஷித் (வயது 27) தெற்கு உக்கடம் ஈசாஸ் (வயது 27) என்பது தெரிய வந்தது கடத்தலுக்கு பயன்படுத்தப்பட்ட இரண்டு, 4 சக்கர வாகனங்கள், இரண்டு, இருசக்கர வாகனங்கள்பறிமுதல் செய்யப்பட்டது.