கோவை கல்லூரி பேராசிரியர் வீட்டில் நகை. பணம் திருட்டு.

கோவை பீளமேடு நேரு நகர்,ஹவுசிங் யூனிட் பகுதியைச் சேர்ந்தவர் சிவா (வயது 32) இவர் பீளமேட்டில் உள்ள தனியார் கல்லூரியில் பேராசிரியராக வேலை பார்த்து வருகிறார். இவர் கடந்த 8-ந் தேதிவீட்டை பூட்டிவிட்டுஇவரது சொந்த ஊரான தேனி மாவட்டம்,பெரியகுளம் கொங்குவார்பட்டிக்கு சென்று விட்டார்.நேற்றுநேரு நகரில் உள்ள வீட்டுக்கு வந்தார் அப்போது வீட்டின் பின் கதவு திறந்து கிடந்தது .உள்ளே சென்று பார்த்தபோது பீரோவில் இருந்த 2 பவுன் தங்க நகைகள், வெள்ளித்தட்டு ,பணம் ரூ 40 ஆயிரம்ஆகியவற்றை காணவில்லை. யாரோ திருடி சென்று விட்டனர் .இது குறித்து சிவா பீளமேடு போலீசில் புகார் செய்தார்.சப் இன்ஸ்பெக்டர் அருள்பெருமாள் வழக்கு பதிவு செய்து விசாரணை நடத்தி வருகிறார்.