காரில் வந்து கத்தியை காட்டி மிரட்டி பணம் கொள்ளை. 2பேர் கைது

கோவை ,ரத்தினபுரி பெரியசாமி லேஅவுட்டை சேர்ந்தவர் சரவணன் ( வயது 50 )இவர் ரத்தினபுரி நாராயணசாமி லே அவுட்டில் உள்ள குழந்தைகள் பூங்கா அருகே நடந்து சென்றார். அப்போது காரில் வந்த 2 பேர் இவரிடம்பணம் கேட்டு மரட்டினர். இவர் கொடுக்க மறுத்ததால் கத்தியை காட்டி,கொலை செய்து விடுவதாக மிரட்டி, அவரிடம் இருந்து 500 ரூபாயை பறித்தனர். பின்னர் இருவரும் காரில் தப்பிச் சென்று விட்டனர். இது குறித்து ரத்தினபுரி போலீசில் புகார் செய்யப்பட்டது. சப் இன்ஸ்பெக்டர், மீனாட்சிசுந்தரம் சிறப்பு பழனிச்சாமி ஆகியோர் வழக்கு பதிவு செய்து காந்திபுரம், சத்தி ரோடு. சாஸ்திரிநகரை சேர்ந்த பிரபு ( வயது 42) திருப்பூர் மாவட்டம், உடுமலை ஜெயராணி காலனி சேர்ந்த முருகானந்தம் ( வயது 27) ஆகியோரை நேற்று கைது செய்தனர். இவர்களிடமிருந்து கத்தி, கார், 2 செல்போன் பறிமுதல் செய்யப்பட்டது. இவர்கள் மீது கொலை மிரட்டல், வழிப்பறி உட்பட 3 பிரிவுகளில் வழக்கு பதிவு செய்யப்பட்டுள்ளது.