பைக் மோதி மூதாட்டி பலி

கோவை பெரியநாயக்கன்பாளையம் அருகே உள்ள ராக்கிபாளையம். புதுப்பாளையம் ரோட்டை சேர்ந்தவர் ஆறுமுகம். இவரது மனைவி பூவாத்தாள் ( வயது 75) இவர் நேற்று நரசிம்மநாயக்கன் பாளையம் குமாரபுரம் ரோட்டில்நடந்து சென்றார். அப்போது அந்த வழியாக வந்த பைக் இவர் மீது மோதியது. இதில் படுகாயம் அடைந்தார். சிகிச்சைக்காக கோவை அரசு மருத்துவமனைக்கு கொண்டு செல்லும் வழியில் இறந்தார். இது குறித்து இவரது மகன் திருமூர்த்திபெரியநாயக்கன்பாளையம் போலீசில்புகார் செய்தார். இன்ஸ்பெக்டர் ராஜேஷ் கண்ணன் சம்பவ இடத்திற்கு சென்று விசாரணை நடத்தினார். இது தொடர்பாக ராக்கி பாளையம் பிள்ளையார் கோவில் வீதியைச் சேர்ந்த சுரேஷ் மகன் விக்னேஷ் ( வயது 19 ) என்பவர் மீது வழக்கு பதிவு செய்யப்பட்டுள்ளது.