கடைக்குச் சென்ற பெண்ணிடம் தங்க செயின்பறிப்பு.

கோவை காந்திபுரம் அலமு நகர், முதல் வீதியைச் சேர்ந்தவர் அந்தோணி ராஜ். இவரது மனைவி ஸ்டெல்லா மேரி ( வயது 53 )இவர் நேற்று பி. கே. ஆர். நகர் ரோட்டில் உள்ள மளிகை கடைக்கு சாமான்கள் வாங்க சென்றார். வாங்கிவிட்டு திரும்பி வரும்போது ஒரு ஆசாமி இவரது கழுத்தில் கிடந்த 2பவுன் செயினை பறித்துவிட்டு தப்பி ஓடிவிட்டார். இது குறித்து ஸ்டெல்லா மேரி காட்டூர் போலீசில் புகார் செய்துள்ளார். இன்ஸ்பெக்டர் சரவணன் வழக்கு பதிவு செய்து தேடி வருகிறார்.