மீன்பிடித்த போது குளத்தில் மூழ்கி தொழிலாளி சாவு.

கோவை ஏப் 21 கோவை மாவட்டம் அன்னூர் அருகே உள்ள சொக்கம்பாளையம் ஜெ. ஜெ. நகரை சேர்ந்தவர் செல்வன் ( வயது 58) கூலி தொழிலாளி. இவருக்கு 2 மகன்கள் உள்ளனர். இவர் தனது மகனுடன் வசித்து வருகிறார். செல்வன்சொக்கம்பாளையத்தில் உள்ள குளத்தில் நேற்று மீன் பிடிக்கச் சென்றார். மீன்பிடித்துக் கொண்டிருக்கும் போது திடீரென்று அவருக்கு வலிப்பு ஏற்பட்டது. இதனால் அவர் நீர் மூழ்கி பரிதாபமாக இறந்தார்.இது குறித்து அன்னூர் போலீசில் புகார் செய்யப்பட்டது. போலீசார் சம்பவ இடத்துக் சென்று பிணத்தை மீட்டு பிரேத பரிசோதிக்காக அரசு மருத்துவமனைக்கு அனுப்பி வைத்தனர். மேலும் விசாரணை நடந்து வருகிறது.