அரிவாளை காட்டி மிரட்டி தொழிலாளிடம் பணம் கொள்ளை. 6பேர் கைது

கோவை பெரியநாயக்கன்பாளையம் ,குட்டை தோட்டம், பகுதியை சேர்ந்தவர் சின்ன கருப்பன் .இவரது மகன் குருசாமி (வயது 38) கூலி தொழிலாளி. இவர் நேற்று சாய்பாபா காலனி நாராயண குரு ரோட்டில் தனது நண்பருடன் நடந்து சென்றார். அப்போது இரு சக்கர வாகனத்தில் வந்த 3 பேர் இவரை வழி மறித்து அரிவாளை காட்டி மிரட்டி அவரிடம் இருந்து ரூ 2 ஆயிரம் பணத்தை கொள்ளையடித்துவிட்டுதப்பி ஓடிவிட்டனர். இது குறித்து குருசாமி சாய்பாபா காலனி போலீசில் புகார் செய்தார். இன்ஸ்பெக்டர் சரவணன் வழக்கு பதிவு செய்து கவுண்டம்பாளையம் அன்பு நகரை சேர்ந்த ரூபன் (வயது 18 ) எம். ஜி. ஆர் நகரை சேர்ந்த திருச் செல்வம் (வயது 24 )தர்மபுரி மாவட்டத்தைச் சேர்ந்த தாவின் பிரகாஷ் ( வயது 18) நல்லாம்பாளையம் சக்தி நகர் நவநீதகிருஷ்ணன் (வயது 19) பிரபு நகர் பரத்ராஜ் ( வயது 22) சக்தி நகர் தனுஷ் ( வயது 17)ஆகியோரை கைது செய்தனர். இவர்களிடமிருந்து 3 அரிவாள், 2 இரு சக்கர வாகனங்கள், பணம் 320 பறிமுதல் செய்யப்பட்டது.