சேவல் சண்டை சூதாட்டம். ஆசிரியர் உள்பட 6பேர் கைது.

கோவை சிங்காநல்லூர், நீலிக்கோணாம் பாளையம் ,மதுரை வீரன் கோவில் வீதியில்உள்ள சின்னச்சாமி லே அவுட்டில் சேவல் சண்டை நடத்தி சூதாடுவதாக சிங்காநல்லூர் போலீசுக்கு நேற்று தகவல் வந்தது. சப் இன்ஸ்பெக்டர் குறளரசன் அங்கு திடீர் சோதனை நடத்தினார். அப்போது சேவல் சண்டை நடத்தி சூதாடியதாக அதே பகுதியைச் சேர்ந்த கார்த்திகேயன் ( வயது 61) திருவள்ளுவர் நகர் ராஜேந்திரன் ( வயது57) இருகூர் செந்தில் (வயது 57) சிங்காநல்லூர் அருண் (வயது 31) என். ஆர் .மணி லே அவுட் திருமால் ( வயது 42) நீலி கோணாம்பாளையம் சிவக்குமார் ( வயது 38) ஆகியோர் கைது செய்யப்பட்டனர். 2 சேவல்களும், சூதாட பயன்படுத்தப்பட்ட பணம் ரூ. 5400 பறிமுதல் செய்யப்பட்டது.இவர்களில் சிவகுமார் ஆசிரியராக வேலை பார்த்து வருகிறார்.