மான் மீது பைக் மோதி வாலிபர் சாவு.

கோவை மாவட்டம் வால்பாறையில் உள்ள கக்கன் காலனி சேர்ந்தவர் சுப்ரமணி. இவரது மகன் மணிகண்ட பிரபு (வயது 32) ஒர்க்ஷாப் வேலை செய்து வந்தார். இவர் நேற்றுதனது பைக்கில் பொள்ளாச்சி – வால்பாறை ரோட்டில் சென்று கொண்டிருந்தார். அப்போது காட்டுக்குள் இருந்து ஓடி வந்த மான் திடீரென்று ரோட்டை கடந்தது. அந்த மான் மீது பைக் மோதியது. இதனால்பைக்குடன் கீழே விழுந்த மணிகண்ட பிரபு படுகாயம் அடைந்தார். சிகிச்சைக்காகபொள்ளாச்சி அரசு மருத்துவமனைக்கு எடுத்துச் சென்றனர். வழியில் அவர் இறந்து விட்டார். இது குறித்து அவரது மனைவி சரண்யா ஆழியார் போலீசில் புகார் செய்துள்ளார். இன்ஸ்பெக்டர் குமார் வழக்கு பதிவு செய்து விசாரணை நடத்தி வருகிறார்..