பார் ஊழியரிடம் கத்தியை காட்டி மிரட்டி பணம் பறித்தவர் கைது

சிவகங்கை மாவட்டம் தேவகோட்டை பகுதியை சேர்ந்தவர் ஜான் பீட்டர் ( வயது 33) இவர் கோவை ராமநாதபுரம், போலீஸ் கந்தசாமி காலனியில் உள்ள டாஸ்மாக் கடையில் ( எண் 1816) சப்ளையராக வேலை பார்த்து வருகிறார் .நேற்று இவர் கடை முன் நின்று கொண்டிருந்தார். அப்போது அங்கு வந்த ஒரு ஆசாமி இவரிடம் மது குடிக்க பணம் கேட்டார்.அவர் கொடுக்க மறுத்ததார்.இதனால் அந்த ஆசாமி கத்தியை காட்டி மிரட்டி ஜான் பீட்டரிடம் இருந்த 500 ரூபாயை பறித்துக் கொண்டு தப்பிஓட முயன்றார்.ஜான் பீட்டர் சத்தம் போட்டார். அங்கிருந்த வர்கள் ஓடி சென்று அந்த ஆசாமியை துரத்தி பிடித்தனர். இவர் ராமநாதபுரம் போலீசில் ஒப்படைக்கப்பட்டார்.போலீசார் அவரை கைது செய்தனர். விசாரணையில்அவர் கரும்புக்கடை சாரமேடு பகுதியைச் சேர்ந்த ரிஸ்வான் ( வயது 33 )என்பது தெரிய வந்தது . கத்தியும் ,பணமும் பறிமுதல் செய்யப்பட்டது. அவர் நீதிமன்றத்தில் ஆஜர் படுத்தப்பட்டு சிறையில் அடைக்கப்பட்டார்.