வீட்டில்பீரோவில் இருந்த 9 பவுன் நகை திருட்டு. வேலைக்கார பெண் மீது புகார்

கோவை வடவள்ளி, நவாவூர் பிரிவு ஆர். கே .நகர் மெயின் வீதியைச் சேர்ந்தவர் தணிகாசலம். இவரது மனைவி செல்வ ராணி ( வயது 55) இவர்களது வீட்டில் கல்வீரம்பாளையத்தைச் சேர்ந்த மணிகண்டன் மனைவி சரண்யா ( வயது 35) என்பவர் கடந்த ஆண்டு முதல் வீட்டு வேலை செய்து வருகிறார்.இந்த நிலையில் செல்வராணி வீட்டை பூட்டிவிட்டு உறவினர் வீட்டுக்கு சென்றிருந்தார். திரும்பி வந்து பார்த்தபோது பீரோவில் இருந்த 9பவுன் தங்க நகைகளை காணவில்லை .இது குறித்து செல்வராணி வடவள்ளி போலீசில் புகார் செய்துள்ளார். புகாரில் தங்கள் வீட்டில் வேலை செய்து வரும் சரண்யா மீது சந்தேகம் இருப்பதாக கூறியுள்ளார் .இது தொடர்பாக போலீசார் சரண்யா மீது திருட்டு வழக்கு பதிவு செய்து தேடி வருகிறார்கள்.