சிங்காநல்லூர் தோட்டத்தில் சேவல் சண்டை சூதாட்டம். 5 பேர் கைது

கோவை; கோவை சிங்காநல்லூர் பக்கம் உள்ள ராவுத்தூரில் ஈஸ்வரமூர்த்தி என்பவரது தோட்டத்தில் பணம் வைத்து சேவல் சண்டை சூதாட்டம் நடப்பதாக சிங்கநல்லூர் போலீசுக்கு தகவல் வந்தது. சப் இன்ஸ்பெக்டர் குறளரசன் நேற்று மாலை அங்கு திடீர் சோதனை நடத்தினார். அப்போது சேவல் சண்டை நடத்தி சூதாடியதாக சின்ன வேடம்பட்டி, ஆட்டோ டிரைவர் ராமமூர்த்தி ( வயது 49 )பீளமேடு பெரிய மாரியம்மன் கோவில் வீதியைச் சேர்ந்த காண்ட்ராக்டர் சதீஷ் (வயது 37) திருப்பூர் வஞ்சிபாளையம் கரைப்புதூரை சேர்ந்த ராஜேஸ் (வயது 27) பீளமேடு, பெரியசாமி லே- அவுட்டை சேர்ந்த ரமேஷ் (வயது 37) ராவுத்தூர், ரயில்வே பீடர் ரோட்டை சேர்ந்த விஜயகுமார் ( வயது 21) ஆகியோர் கைது செய்யப்பட்டனர். 2 சேவல்களும் சூதாட பயன்படுத்தப்பட்ட ரூ 22 ஆயிரத்து 260 பறிமுதல் செய்யப்பட்டது.