கோவை கல்லூரி மாணவி திடீர் மாயம்.

கோவை கணபதி, அத்தனூர் அம்மன் கோவில் வீதியை சேர்ந்தவர் சசிகுமார். இவரது மகள் பவித்ரா ( வயது 20) மேட்டுப்பாளையம் ரோட்டில் உள்ள தனியார் கல்லூரியில் பி.ஏ இரண்டாம் ஆண்டு படித்து வருகிறார். நேற்று கல்லூரிக்கு சென்றவர் வீடு திரும்பவில்லை. இது குறித்து அவரது தந்தை சசிகுமார் சாய்பாபா காலனி போலீசில் புகார் செய்தார். இன்ஸ்பெக்டர் சரவணன் வழக்கு பதிவு செய்து தேடி வருகிறார்.