மாணவிகளுக்கு இலவச சைக்கிள் வழங்கும் விழா…

ஈரோடு மாவட்டம் சத்தியமங்கலம் புஞ்சைபுளியம்பட்டி கெ.ஓ.எம். அரசு பெண்கள் மேல்நிலைப் பள்ளியில் பிளஸ் ஒன் படிக்கும் மாணவிகளுக்கு இலவச சைக்கிள் வழங்கும் விழா நடைபெற்றது. விழாவிற்கு புஞ்சைபுளியம்பட்டி நகராட்சி தலைவர் ஜனார்த்தனன் நகராட்சி துணைத்தலைவர் பி.ஏ. சிதம்பரம் ஆகியோர் தலைமை தாங்கினர். பள்ளி தலைமை ஆசிரியை உமா கௌரி முன்னிலை வகித்தார். 261 மாணவிகளுக்கு இலவச சைக்கிள்களை நகராட்சி தலைவர் ஜனார்த்தனன், துணைத் தலைவர் பி.ஏ. சிதம்பரம் ஆகியோர் வழங்கினர். இந்த விழாவில் கவுன்சிலர் கிரிஜா, முன்னாள் கவுன்சிலர் மயில்சாமி, வார்டு செயலாளர் செந்தில்குமார் மற்றும் பள்ளி ஆசிரியர்கள், மாணவிகள் கலந்து கொண்டனர்.