பைக் மீது கார் மோதல்… ஒருவர் பலி: பெண் படுகாயம்-பனியன் அதிபர் மீது போலீசார் வழக்குபதிவு..!

கேரள மாநிலம் சித்தூர் பக்கம் உள்ள கொழிஞ்சாம்பாறையை சேர்ந்தவர் செந்தில்குமார் (வயது 50) நேற்று இவர் ஜெகதீஸ்வரி (வயது 48) என்பவருடன் பைக்கில் பொள்ளாச்சி- பாலக்காடு ரோட்டில் சென்று கொண்டிருந்தனர். அப்போது அந்த வழியாக வேகமாக வந்த ஒரு கார் இவர்கள் சென்ற பைக் மீது மோதியது. இதில் இருவரும் படுகாயம் அடைந்தனர். சிகிச்சைக்காக பொள்ளாச்சி அரசு மருத்துவமனை எடுத்துச் செல்லப்பட்டனர். அங்கு சிகிச்சை பலனளிக்காமல் செந்தில்குமார் இறந்தார். ஜெகதீஸ்வரி மேல்சிகிச்சைக்காக கோவை அரசு மருத்துவமனைக்கு அனுப்பி வைக்கப்பட்டார். இது குறித்து செந்தில்குமார் மனைவி ருக்மணி பொள்ளாச்சி தாலுகா போலீசில் புகார் செய்தார். இன்ஸ்பெக்டர் லோகேஸ்வரி சம்பவ இடத்துக்கு சென்று விசாரணை நடத்தினார் .இது தொடர்பாக கார் ஓட்டி வந்த திருப்பூர் மாவட்டம் குப்பாண்டம் பாளையத்தை சேர்ந்த பனியன் அதிபர் கிருஷ்ணகுமார் ( வயது 35) என்பவர் மீது வழக்கு பதிவு செய்யப்பட்டுள்ளது