பணம் வைத்து சீட்டாட்டம் – 17 பேர் கைது..!

கோவை சுகுணாபுரம் செந்தமிழ் நகர் பகுதியில் உள்ள காலி இடத்தில் பணம் வைத்து சீட்டு விளையாடுவதாக குனியமுத்தூர் போலீசுக்கு தகவல் வந்தது. போலீசார் நேற்று மாலை அங்கு திடீர் சோதனை நடத்தினார்கள். அப்போது பணம் வைத்து சீட்டு விளையாடியதாக அதே பகுதியைச் சேர்ந்த மணி,ரமேஷ், அப்துல் ரகுமான், குமாரசாமி, அப்பாஸ் உட்பட 9 பேர் கைது செய்யப்பட்டனர் சீட்டு விளையாட பயன்படுத்தப்பட்ட ரூ 5 ஆயிரத்து 50 பறிமுதல் செய்யப்பட்டது “இதே போல சிங்காநல்லூர் ஒண்டிப்புதூர் ரோடு அரிமா சங்க கட்டிடத்தில் பணம் வைத்து சீட்டு விளையாடியதாக ஒண்டிப்புதூரை சேர்ந்த சுரேஷ்குமார் ( வயது 51) சந்திரசேகரன் (வயது 57) இருகூர் ஆனந்தகுமார் ( வயது 52) ஸ்ரீஹரன் ( வயது 60) உட்பட 8 பேர் கைது செய்யப்பட்டனர். சீட்டு விளையாட பயன்படுத்தப்பட்ட ரூ 10 ஆயிரத்து 150 பறிமுதல் செய்யப்பட்டது.