உளுந்தூர் பேட்டை அருகே வீட்டில் ஏற்பட்ட தீ விபத்தில் ஒரே குடும்பத்தை சேர்ந்த 4 பேர் உயிரிழந்த சம்பவம் பெரும் சோகத்தை ஏற்படுத்தியுள்ளது.
உளுந்தூர்பேட்டை அருகே உள்ள வீட்டில் நேற்று நள்ளிரவு திடீரென தீ விபத்து ஏற்பட்டது. இந்த தீ விபத்து குறித்து உடனடியாக தீயணைப்பு துறைக்கு தகவல் தெரிவிக்கப்பட்டது. இந்த தீ விபத்தில் வீட்டிற்குள் தூங்கிக்கொண்டிருந்த 3 பேர் மாட்டிக்கொண்டனர். சம்பவ இடத்திற்கு விரைந்து வந்த தீயணைப்பு வீரர்கள் நீண்ட நேரம் போராடி தீயை அணைத்தனர். இருப்பினும் இந்த தீ விபத்தில் 3 பேர் சம்பவ இடத்திலேயே உடல் கருகி உயிரிழந்தனர். இந்த தீ விபத்தில் மனநலம் பாதிக்கப்பட்ட திரவியம் என்ற பெண்ணும் அவர்களது மகள்கள், ரியாஷினி, விஜயகுமாரி ஆகிய 3 பேர் சம்பவ இடத்திலேயே உயிரிழந்தனர்.
மேலும் இவர்களை காப்பாற்ற முயன்ற அவர்களின் தாத்தாவும் மூச்சுத்திணறல் ஏற்பட்டு மயங்கி விழுந்து உயிரிழந்தனர். இந்த சம்பவம் தொடர்பாக போலீசார் வழக்குப் பதிவு செய்து விசாரணை நடத்தி வருகின்றனர். இந்த தீ விபத்து எதிர்பாராதவிதமாக ஏற்பட்டதா? அல்லது தற்கொலை முயற்சியா என போலீசார் தீவிர விசாரணை நடத்தி வருகின்றனர்.