வீட்டின் பூட்டை உடைத்து தங்க நகைகள் கொள்ளை – பட்டபகலில் துணிகரம்..!

கோவை: சிங்கநல்லூர் எஸ். ஐ. எச். எஸ் காலனி. சாஸ்தா நகரை சேர்ந்தவர் கைலாசம் (வயது 49) இவர் அங்குள்ள பீப்பில்ஸ் பார்க் பகுதியில் புதிதாக வீடு கட்டி வருகிறார். நேற்று காலை 9 மணிக்கு வீட்டை பூட்டி வீட்டு கட்டுமான பணியை பார்வையிட சென்றார் .மாலை 3 மணிக்கு வீடு திரும்பினார். அப்போது வீட்டின் பூட்டு உடைக்கப்பட்டு இருந்தது .உள்ளே சென்று பார்த்த போது பீரோவில் இருந்த 7 பவுன் தங்க நகைகளை காணவில்லை.யாரோ பட்டப்பகலில் வீட்டின் பூட்டை உடைத்து திருடி சென்று விட்டனர். இது குறித்து கைலாசம் சிங்கநல்லூர் போலீசில் புகார் செய்தார். சப் இன்ஸ்பெக்டர் கார்த்திகேயன் வழக்கு பதிவு செய்து விசாரணை நடத்தி வருகிறார்.