ஏதென்ஸ்: பிரிக்ஸ் அமைப்பின் மாநாட்டில் பங்கேற்றுவிட்டு கிரீஸ் நாட்டிற்கு சென்ற பிரதமர் மோடிக்கு வெளிநாட்டு வாழ் இந்தியர்கள் உற்சாக வரவேற்பு அளித்தனர்.அங்கு, அந்நாட்டு அதிபர் கத்ரீனா என்.சகெல்லரோபவுலோவை சந்தித்து பேசினார்.இந்நிலையில், பிரதமர் மோடிக்கு, கிரீஸ் நாட்டின் உயரிய விருதான ‘கிராண்ட் கிராஸ் ஆப் தி ஆர்டர் ஆப் ஹானர்’ விருது வழங்கப்பட்டது. இதனை கிரீஸ் அதிபர் வழங்கினார். இந்த விருது, கிரீஸ் நாட்டின் 2வது உயரிய விருதாகும். இதன் பிறகு மோடி, கிரீஸ் நாட்டு பிரதமர் ககிரியாகோஸ் மிட்சோடகிசை சந்தித்து இரு தரப்பு உறவுகள் குறித்து பேச்சுவார்த்தை நடத்தினார்.
அவரை இந்தியாவிற்கு வருமாறு மோடி அழைப்பு விடுத்தார்.தென்னாப்பிரிக்காவி
மோடியை பார்த்ததும் அவர்கள் ‘பாரத் மாதா கி ஜெய்’ என கோஷமிட்டு வரவேற்றனர். விமான நிலையத்தில் அவருக்கு உற்சாக வரவேற்பு அளிக்கப்பட்டது. தொடர்ந்து அவர் டாம்ப் எனும் இடத்தில் உள்ள போர் வீரர் நினைவிடத்தில் மரியாதை செலுத்தினார்.பின்னர் கிரீஸ் அதிபர் கத்ரீனா என்.சகெல்லரோபவுலோவை சந்தித்த பிரதமர் மோடி, சந்திரயான்-3 வெற்றி குறித்து பகிர்ந்துள்ளார். மோடி பேசுகையில், ‘சந்திரயான்-3 வெற்றி இந்தியாவிற்கான வெற்றி மட்டுமல்ல, ஒட்டுமொத்த மனிதகுலத்திற்கான வெற்றி. சந்திரயான்-3 திட்டத்தில் சேகரிக்கப்படும் தரவுகளின் முடிவுகள் ஒட்டுமொத்த அறிவியல் சகோதரத்துவத்திற்கும் மனித குலத்திற்கும் உதவும்’ என்றார். இதனை தொடர்ந்து கிரீஸ் நாட்டின் பிரதமர் கிரியாகோஸ் மிட்சோடாகியை சந்தித்து பேசுகிறார்..