இந்தியாவின் நம்பர் ஒன் செஸ் வீரர் என்ற இடத்தை தமிழக வீரர் குகேஷ் கைப்பற்றியுள்ளார். உலக செஸ் போட்டி வீரர்கள் தரவரிசைப் பட்டியலில் 9வது இடத்துக்கு முன்னேறியதன் மூலம் இந்தியாவுக்கான பட்டியலில் முதல் இடத்தைப் பிடித்துள்ளார்.
இந்தியாவில் செஸ் வீரர்கள் பட்டியலில் முதலிடத்தில் இருந்த விஸ்வநாதன் ஆனந்த் இதன்மூலம் இரண்டாவது இடத்துக்குச் சென்றுள்ளார். கடந்த ஆண்டு அக்டோபர் மாதம் நடைபெற்ற எயிம்செஸ் ரேபிட் போட்டியில் உலக சாம்பியனாக உள்ள கார்ல்சனை வீழ்த்திய இளம் வீரர் என்கிற சாதனையைப் படைத்தார் என்பது குறிப்பிடத்தக்கது.