சென்னை ஆவடியில் மாநில அளவிலான கராத்தே போட்டி..!!

சென்னை ஆவடியில் உள்ள தனியார் திருமண மண்டபத்தில் எஸ்.கே.சோட்டோகான் கராத்தே டூ இந்தியா யூத் ஸ்போர்ட்ஸ் சார்பில்  8-வது மாநில அளவிலான கராத்தே போட்டி ஒருங்கிணைப்பாளர் மாஸ்டர் சரவணன் தலைமையில் வெகு சிறப்பாக நடைபெற்றது. இப்போட்டியில் பல்வேறு மாவட்டத்திலிருந்து சுமார் 300-க்கும் மேற்பட்ட கராத்தே மாணவ-மாணவிகள் கட்டா மற்றும் குமிதே பிரிவுகளில் கலந்துகொண்டனர்.பின்னர் நிகழ்ச்சிக்கு சிறப்பு அழைப்பாளராக சென்னை சரக காவல்த்துறை ஆய்வாளர் சாய்கணேஷ் கலந்துகொண்டு கராத்தே போட்டியில் வெற்றி பெற்ற கராத்தே மாணவ-மாணவிகளுக்கு கோப்பை மற்றும் சான்றிதழ் வழங்கி வாழ்த்தினர். இதில் கராத்தே மாஸ்டர்கள், பெற்றோர்கள் உள்ளிட்ட பலரும் கலந்துகொண்டனர்.