டாஸ்மாக் பாரில் 82 மது பாட்டில் பறிமுதல். 3 ஊழியர் கைது.

கோவை பீளமேடு போலீஸ் சப்- இன்ஸ்பெக்டர் மாடசாமி நேற்று விளாங்குறிச்சி ரோடு சுடுகாடு அருகே உள்ள டாஸ்மாக் கடை (எண் 18 09)பாரில் திடீர் சோதனை நடத்தினார். அப்போது அங்கு அதிகாலையில் மது விற்றுக் கொண்டிருந்தது கண்டுபிடிக்கப்பட்டது. அங்கிருந்த 82 மதுபாட்டில் பறிமுதல் செய்யப்பட்டன. இது தொடர்பாகபார் ஊழியர்கள் புதுக்கோட்டை மாவட்டம் ஆவுடையார் கோவிலை சேர்ந்த கார்த்தி ( வயது 29) ராமநாதபுரம் மாவட்டம் பரமக்குடியைச் சேர்ந்த கோவிந்தராஜ் ( வயது 29) தேவகோட்டை பெரியகரையை சேர்ந்த காந்தி (வயது 49 )ஆகியோர் கைது செய்யப்பட்டனர். 3பேரும் பார் ஊழியர்கள் ஆவர்கள். கண்ணன் என்பவர் தப்பி ஓடி விட்டார். இவர்கள் 3 பேரும் நீதிமன்றத்தில் ஆஜர் படுத்தப்பட்டு சிறையில் அடைக்கப்பட்டனர்.