கோவைக்கு கடத்தி வந்த 80 உயர்ரக மதுபானங்கள் பறிமுதல்- லாரி டிரைவர் கைது..!

கோவையை அடுத்த சூலூர் பக்கம் உள்ள சுல்தான்பேட்டை பகுதியில் போலீசார் நேற்று மாலை வாகன சோதனை நடத்தினார்கள் .அப்போது அந்த வழியாக வந்த ஒரு லாரியை தடுத்து நிறுத்தி சோதனை செய்தனர். அந்த லாரியில்80 உயர்ரக மதுபான பாட்டில்கள் மறைத்து வைத்திருந்தது கண்டுபிடிக்கப்பட்டது. அவைகள் பறிமுதல் செய்யப்பட்டன. இது தொடர்பாக அதைக் கடத்தி வந்த ஈரோடு மாவட்டம் சத்தியமங்கலத்தை சேர்ந்த லாரி டிரைவர் ஜாகிர் (வயது 49) என்பவர் கைது செய்யப்பட்டார் .இவர் கர்நாடகாவில் இருந்து கோவை மாவட்டம் செட்டிபாளையம் பகுதியில் உள்ள பிரபல டீ தூள் கம்பெனிக்கு லாரியில் லோடு கொண்டு வருவது வழக்கம். இப்படி கொண்டு வரும்போது அங்கிருந்து உயர்ரக மது பாட்டில்களை குறைந்த விலைக்கு வாங்கி, கடத்தி வந்துஅந்தப் பகுதியில் உள்ள வியாபாரிகளுக்கும்,தொழில் அதிபர்களுக்கும் அதிக விலைக்கு விற்பனை செய்து வந்தது விசாரணையில் தெரியவந்தது.