தோட்டத்தில் பணம் வைத்து சீட்டு விளையாடிய 8 பேர் கைது – ரூ. 1.92 லட்சம் பறிமுதல்..!

கோவை மாவட்டம் கோவில்பாளையம் அருகே உள்ள செரையம்பாளையம் பகுதியில் உள்ள ஒரு தோட்டத்தில் பணம் வைத்து சீட்டாட்டம் நடப்பதாக கோவில்பாளையம் போலீசுக்கு நேற்று மாலை தகவல் வந்தது.இன்ஸ்பெக்டர் சிவகுமார் அங்கு திடீர் சோதனை நடத்தினார். அப்போது பணம் வைத்து சீட்டாடியதாக அதே பகுதியைச் சேர்ந்த பாலசுப்பிரமணியம் ( 55 ) சின்ன குட்டி ( 42 )துரைசாமி ( 45 ) நடராஜ ( 49 )குமாரசாமி (48 | கனகராஜ் (43) ரஞ்சித் ( 27) சின்னதுரை ( 66 ) ஆகியோர் கைது செய்யப்பட்டனர். சீட்டாட பயன்படுத்தப்பட்ட பணம் ரூ 1 லட்சத்து 92 ஆயிரம் பறிமுதல் செய்யப்பட்டது..