கீழநாச்சிகுளம் இளைஞர் எழுச்சி மன்றம் சார்பில் 75 ஆம் ஆண்டு பொங்கல் விழா.!!

மதுரை மாவட்டம் சோழவந்தான் அருகே உள்ள கீழ நாச்சிகுளம் கிராமத்தில் காளியம்மன் பகவதி அம்மன் கோவில் கிராம தெய்வம் இளைஞர் எழுச்சி மன்றம் சார்பில் 75 ஆம் ஆண்டு பொங்கல் விழா கொண்டாடப்பட்டது. இதில் அம்மனுக்கு அபிஷேகம், அலங்கார பூஜைகள் நடைபெற்று, பின்னர் சிறுவர், சிறுமிகளுக்கு விளையாட்டுப் போட்டிகள் நடைபெற்றது. இவ்விழாவில் சிறப்பு விருந்தினராக மதுரை மாநகர் மாவட்ட அ.தி.மு.க. நிர்வாகி டாக்டர் வி.பி.ஆர் செல்வகுமார்,டாக்டர் வி.மலர்விழி, கவுன்சிலர் தங்கப்பாண்டி,தென் மாவட்ட திரைப்பட கலைஞர்கள் நலச்சங்க  பொதுச்செயலாளர் மாஸ் மணி ஆகியோர் கலந்து கொண்டு வெற்றி பெற்றவர்களுக்கு பரிசுகளை வழங்கி பாராட்டினர். விழாவிற்கான ஏற்பாடுகளை  இளைஞர் எழுச்சி மன்ற நிர்வாகிகள் ராஜசேகர், ஆனந்த், ராகுல், பால்பாண்டி, பிரபு மற்றும் கிராம பொதுமக்கள் இணைந்து சிறப்பாக செய்திருந்தனர்.