கோவை பெட்டிக்கடையில் பார் நடத்திய 6 பேர் கைது..!

கோவையில் மூடப்பட்டுள்ள பார் அருகே பெட்டி கடைகளில் மது பாட்டில்களை பதுக்கி வைத்தும், மது குடிப்பதற்கு டம்ளர் கூல்ட்ரிங்ஸ், தண்ணீர் பாட்டில் வழங்கி சட்ட விரோதமான பார் நடத்தபடுவதாக மாநகர காவல் துறைக்கு புகார் வந்தது.போலீஸ் கமிஷனர் பாலகிருஷ்ணன்உத்தரவின் பேரில் போலீசார் நேற்று கோவை ஆர். எஸ். புரம் அழகேசன் ரோட்டில் உள்ள ஒரு பெட்டி கடையில் நடத்திய சோதனையில் 7 மதுபாட்டில் இருந்தது கண்டுபிடிக்கப்பட்டது. இது தொடர்பாக ராமநாதபுரம் மாவட்டம் திருவாடானை சேர்ந்த அன்பு (வயது 24 ) கைது செய்யப்பட்டார். இதே போல மேட்டுப்பாளையம் -நல்லாம் பாளையம் ரோட்டில் மது பாட்டில்களை பதுக்கி வைத்து விற்பனை செய்ததாக ராமநாதபுரம் மாவட்டம் ஆர் .எஸ். மங்கலத்தைச் சேர்ந்த சக்திவேல் (வயது 31 ) சதீஷ்குமார் (வயது 35) விருதுநகர் மாவட்டம் சிவகாசியை சேர்ந்த ஜெயபாண்டி (வயது 27 )ஆகியோர் கைது செய்யப்பட்டனர். 11 மது பாட்டில்கள் பறிமுதல் செய்யப்பட்டது . குனியமுத்தூர் எம்ஜிஆர் நகர் வாய்க்கால் பகுதியில் மது பாட்டில்களை பதுக்கி வைத்து விற்றதாக புதுக்கோட்டை மாவட்டம் ஆவுடையார் கோவில் பகுதியைச் சேர்ந்த சிவ சண்முக (வயது 37) கைது செய்யப்பட்டார் .10 மதுபாட்டில் பறிமுதல் செய்யப்பட்டன..