கணவருடன் பைக்கில் சென்ற மனைவியிடம் 5 பவுன் செயின் பறிப்பு..!

கோவை மதுக்கரை பக்கம் உள்ள குரும்பபாளையத்தை சேர்ந்தவர் பிரேம்குமார் ( வயது 39 )இவர் தனியார் நிறுவனத்தில் சூப்பர்வைசராக வேலை பார்த்து வருகிறார் .நேற்று இவர் தனது இருசக்கர வாகனத்தில் மனைவி, மகளுடன் மதுக்கரை மார்க்கெட் ரோட்டில் சென்று கொண்டிருந்தார். அங்குள்ள மேம்பாலம் அருகே சென்றபோது அந்த வழியாக பைக்கில் வந்த 2 ஆசாமிகளில் ஒருவன்பிரேம்குமார் மனைவி கழுத்தில் கிடந்த 5 செயினை பறித்தான்.பின்னர் இருவரும்தப்பி ஓடிவிட்டனர். இது குறித்து பிரேம்குமார் போத்தனூர் போலீசில் புகார் செய்தார். போலீசார் வழக்கு பதிவு செய்து மர்ம ஆசாமிகளை தேடி வருகிறார்கள்.