12 கிலோ கஞ்சாவுடன் 4பேர் கைது

கோவை மதுவிலக்கு அமல் பிரிவு போலீஸ் இன்ஸ்பெக்டர் செந்தில்குமார் நேற்று துடியலூர் என்.ஜி .ஜி . ஓ காலனி ரயில்வே கேட்அருகே ரோந்து சுற்றி வந்தார். அப்போதுஅந்த வழியாக இரு சக்கர வாகனத்தில் வந்த இருவரை பிடித்து சோதனை செய்தார்.அவர்களிடம் 8 கிலோ கஞ்சா இருந்தது கண்டுபிடிக்கப்பட்டது. கஞ்சாவும் ,இருசக்கர வாகனமும் பறிமுதல் செய்யப்பட்டது. விசாரணையில் அவர்கள் திருப்பூர் மாவட்டம் பெருமாநல்லூர் வீராம்பாளையத்தைச் சேர்ந்த ரமேஷ் (வயது 45 )ஓடிசாவைச் சேர்ந்த ஜட பா பேஸ்ரா ( வயது 33) என்பது தெரியவந்தது. இதே போல ராமநாதபுரம் சுங்கம் பைபாஸ் ரோட்டில் நடந்த சோதனையில் இருவர் பிடிபட்டனர். அவர்களிடம் இருந்து 4கிலோ கஞ்சா கைப்பற்றப் பட்டது அவர்கள் ஒடிசாவை சேர்ந்த பீஷ்மா தாண்டி ,ஜடபா பேஷ்ராஎன்பது தெரியவந்தது.இருவரும் கைது செய்யப்பட்டனர்.