கோவையில் மொபட் திருடிய சிறுவன் உள்பட 2 பேர் கைது – மொபட் பறிமுதல்..!

கோவை சுண்டாக்காமுத்தூர் வாய்க்கால்பாளையத்தை சேர்ந்தவர் சிவசாமி(48). சொக்கம்புதூரில் உள்ள உப்புமண்டியில் டிரைவராக வேலை பார்த்து வருகிறார். இவர் உப்புமண்டி உரிமையாளரின் மொபட்டை பயன்படுத்துவது வழக்கம். இதேபோல், நேற்று அவர் மொபட்டில் உப்பு டெலிவரி செய்வதற்காக சொக்கம்புதூர் பாலாஜி நகர் 3வது தெருவுக்கு சென்றார். மொபட்டை நிறுத்தி விட்டு உப்பு டெலிவரி செய்து விட்டு திரும்பி வந்தார். அப்போது மொபட்டை காணவில்லை. மர்ம நபர்கள் திருடி சென்று விட்டனர். உடனே அவர் இது குறித்து செல்வபுரம் போலீஸ் நிலையத்தில் புகார் அளித்தார். புகாரின் பேரில், போலீசார் வழக்குப்பதிவு செய்து விசாரித்தனர். அதில், மொபட் திருட்டில் ஈடுபட்டது செல்வபுரம் சண்முகராஜபுத்தை சேர்ந்த பாலசந்திரன்(19), மற்றும் 16 வயது சிறுவன் என்பதும் தெரியவந்தது. போலீசார் சிறுவனை சிறுவர் சீர்திருத்த பள்ளியில் சேர்த்தனர். பாலசந்திரன் கோர்ட்டில் ஆஜர்படுத்தப்பட்டு சிறையில் அடைக்கப்பட்டார். அவர்களிடம் இருந்து மொபட் பறிமுதல் செய்யப்பட்டது.