7கிலோ கஞ்சா சாக்லேட்டுடன் வடமாநில வாலிபர்கள் 2 பேர் கைது.

கோவை துடியலூர் போலீஸ் இன்ஸ்பெக்டர் ஜோதி, சப் இன்ஸ்பெக்டர்நாகராஜ்ஆகியோர் நேற்று வெள்ளை கிணறு ஹவுசிங் யூனிட் பகுதியில் ரோந்து சுற்றி வந்தனர். அப்போது அங்கு கையில் பையுடன் நின்று கொண்டிருந்த இருவரை பிடித்து சோதனை செய்தனர். அவர்களிடம் 7 கிலோ கஞ்சா சாக்லேட் இருந்தது கண்டுபிடிக்கப்பட்டது. இவைகள் பறிமுதல் செய்யப்பட்டன. இது தொடர்பாக இருவரும் கைது செய்யப்பட்டனர். விசாரணையில் அவர்கள் பீகார் மாநிலத்தைச் சேர்ந்த ராம்நாத் சகானி (வயது 23)ராஜுசகானி ( வயது 21)என்பது தெரிய வந்தது.இவர்கள் வடமாநிலத்தில் இருந்து கஞ்சா சாக்லேட் கடத்தி வந்து அந்த பகுதியில் உள்ள பள்ளி -கல்லூரி மாணவர்களுக்கு விற்பனை செய்தது விசாரணையில் தெரியவந்தது.