பைக் மீது கார் மோதல் 2 பேர் சாவு

கோவை: மேட்டுப்பாளையம் குமாரபுரத்தை சேர்ந்தவர்விஜயகுமார் இவரது மகன் கவுதம் (வயது 21)அதே பகுதியைச் சேர்ந்தவர் ராஜேஷ் ( வயது 21)இவர்கள் இருவரும் நேற்று பைக்கில் மேட்டுப்பாளையம் – அன்னூர் ரோட்டில் சென்று கொண்டிருந்தனர்.ஜடையம்பாளையம் காய்கறி மார்க்கெட் அருகே சென்றபோது அந்த வழியாக வந்த ஒரு கார் இவர்கள் சென்ற பைக் மீது மோதியது .இதில் இருவரும் படுகாயம் அடைந்தனர். அவர்களை சிகிச்சைக்காக கோவைஅரசு மருத்துவமனைக்கு எடுத்துச் சென்றனர். வழியில் கவுதம் இறந்தார். ராஜேஷ் படுகாயத்துடன் சிகிச்சை பெற்று வருகிறார். இது குறித்து சிறுமுகை போலீசார் வழக்கு பதிவு செய்து விசாரணை நடத்தி வருகிறார்கள். இதேபோல கோவில்பாளையம் பக்கம் உள்ள காளியண்ணன் புதூரை சேர்ந்தவர் செல்வராஜ் ( வயது 56) நேற்று பைக்கில் பொள்ளாச்சி – கோவை ரோட்டில்பைக்கில் சென்று கொண்டிருந்தார். நஞ்சை கவுண்டன் புதூர் அருகே சென்றபோது அந்த வழியாக வந்த கார் இவரது பைக் மீது மோதியது .இதில் செல்வராஜ் படுகாயம் அடைந்து அதே இடத்தில் இறந்தார். இது குறித்து வடக்கி பாளையம் போலீசில் புகார் செய்யப்பட்டது. இன்ஸ்பெக்டர் சோமசுந்தரம் சம்பவ இடத்திற்கு சென்றுவிசாரணை நடத்தினார். இது தொடர்பாக கார் ஓட்டி வந்த ஆனைமலை பெரிய புதூரைச் சேர்ந்த வெங்கடாசலம் (வயது 56 )என்பவர் மீது வழக்கு பதிவு செய்யப்பட்டுள்ளது.