சொகுசு காரில் கஞ்சாவுடன் 2தொழிலதிபர் மகன்கள் கைது.

கோவை ரேஸ்கோர்ஸ் பகுதியில் வந்த ஒரு சொகுசு காரை நேற்று மாலை தேர்தல் பறக்கும் படை அதிகாரிகள் திடீர் சோதனை செய்தார்கள் .அந்த காருக்குள் 2 வாலிபர்கள் இருந்தனர். முன்னுக்கு பின் முரணான தகவலை தெரிவித்தனர். இதைத்தொடர்ந்து காருக்குள் சோதனை நடத்திய போது காருக்குள் இருந்த 60 கிராம் கஞ்சாவை பறிமுதல் செய்தனர். பின்னர் ரூ 1 கோடி மதிப்புள்ள சொகுசு கார் மற்றும் கஞ்சாவுடன் 2 வாலிபர்கள் ரேஸ்கோர்ஸ் போலீசில் ஒப்படைக்கப்பட்டனர் இதைத்தொடர்ந்து இன்ஸ்பெக்டர் அர்ஜுன் 2 வாலிபர்களிடம் விசாரணை நடத்தினர் அதில் ஒரு வாலிபர் சேலம் வீரபாண்டி பகுதியை சேர்ந்த தொழிலதிபர் ஒருவரது மகன் கோகுல கிருஷ்ணன் ( வயது 27 )என்பதும் மற்றொருவர் கோவையை சேர்ந்த நகை வியாபாரியின் மகன் சூர்யா ( வயது 25) என்பதும் தெரியவந்தது 2 பேரும் கைது செய்யப்பட்டனர். சொகுசு கார் பறிமுதல் செய்யப்பட்டது.